Pawb ynghyd!
Enillydd chwaraewr teg y noson.
Pencampwyr – Tim Newtown o Bwllheli
Yn ail – Tim Rangers o ardal Pentreuchaf.
Prif sgoriwr goliau’r noson.
Y mae’n braf iawn croesawu Y Parchedigion Ben Thomas a Janice Gourdie fel ymddiredolwyr newydd Trobwynt. Y mae Ben yn Weinidog ar Eglwys Deuluol Cricieth a Janice yn Ficer ar Eglwys Sant Pedr, Pwllheli.
Gweithwyr Cristnogol Plant ac Ieuenctid Gwynedd
Published June 4, 2009 Uncategorized Leave a Comment 
Llinos Morris (Caernarfon), Andy Hughes (Saint y Gymuned), Heidi Bakewell (Botwnnog), Llinos Roberts (Trefor), Gwyn, Rachel, Aled Ifan (Bangor), John ac Andrew Settatree (Llanrug)
Daeth y naw uchod at ei gilydd ar 4 Mehefin i ddysgu am y gwaith Cristnogol ymhlith plant ac ieuenctid ardal Peblig, Caernarfon. Trafodwyd beth yw hanfodion elfennol gweithiwr plant ac ieunctid. Treuliwyd amser yn edrych ar ddarn o’r Beibl a chafwyd gyfnod o weddi.
Mae’r cyfarfod nesaf yn Llanrug ar 24 Medi.
Bu Rachel ym Melffast am ddeuddydd yn ceisio perswadio pobl i ddod i weithio gyda ni yn y Beach Mission yn Nhudweiliog dros yr haf. Gwnaed y cysylltiad gan Erika Frank (Eglwys Botwnnog) sy’n hen ffrind i Rachel ac sy’n gaplan ym Mhrifysgol Belffast. Cafodd Rachel amser ardderchog yn rhannu gyda’r myfyrwyr ac yn dod i nabod rhai ohonyn nhw. Mae rhwng 8 a 10 o bobl yn bwriadu dod draw i ymuno â’r tîm lleol yn y gwaith ar y traeth yn yr haf.
Hoffem i chi Weddïo y bydd Duw’n arwain y bobl iawn i’r tîm ac y bydd y gwaith cenhadol yn dwyn ffrwyth ym mywydau’r tîm a bywydau’r plant a’r bobl ifanc y byddwn ni’n cyfarfod â nhw.
Rŷn ni wedi bod yn cael amser ardderchog yn CIC Llithfaen yn ddiweddar a chriw gwych o bobl ifanc yn llawn brwdrydedd bob wythnos. Un o’r uchafbwyntiau oedd noson Ready Steady Cook. Ann Roberts a Lis James oedd yn gyfrifol am y sesiwn goginio. Llwyddodd pob un o’r bobl ifanc i greu brechdan arbennig a phwdin a chafodd Peter James y fraint o ddewis yr enillydd. Ar ddiwedd y noson, bu John yn sôn am ‘Sut y gallwn ni drystio’r Beibl’. A rhoddodd her i’r bobl ifanc i ddarllen y Beibl.
Hoffem i chi Weddïo: Y bydd y bobl ifanc hyn yn cael gafael ar Dduw ac yn dechrau darllen ei Air drostyn nhw’u hunain.
Nod y llyfr hwn yw darparu adnodd i chi allu cynnal grŵp ieuenctid Cristnogol ar gyfer ieuenctid sy’n mynychu eglwysi yn ogystal ag unigolion nad ydynt yn mynychu. Mae’r sesiynau’n deillio o brofiad John a Rachel Settatree yn arwain grwpiau ieuenctid a chynnal sesiynau mewn ysgolion gyda Trobwynt ym Mhen Llŷn. Y mae dau aelod o’u grwpiau, sef Garreth Frank a Jake Meadows hefyd wedi helpu gyda’r broses olygu, gan awgrymu a sgrinio Gemau.
Mae Llyfr 1 yn darparu cyflwyniad i’r ffydd Gristnogol, gyda phob sesiwn yn delio â gwirioneddau sylfaenol Cristnogol. Felly, ceir trosolwg syfaenol o’r Efengyl o dan y teitl ‘Stori Duw’ er mwyn darparu darlun mwy cyflawn o’r Beibl. Ceir cyfres ar Fywyd Moses a’r 10 Gorchymyn, sy’n ceisio ateb y cwestiynau – Pwy yw Duw?, Pwy ydw i? a Pham ydw i yma? Yn olaf, ceir cyfres ar fywyd Pedr sy’n bwrw golwg ar gael perthynas â Iesu.
Rydym hefyd wedi cynnwys adran gemau gyda dros 20 o gemau y gellir eu defnyddio dro ar ôl tro. Yn ogystal â hyn, rydym wedi cynnwys nifer o syniadau am nosweithiau ieuenctid gwahanol a fu’n llwyddiannus a phoblogaidd iawn mewn nifer o grwpiau ieuenctid amrywiol. Gweler hefyd ychydig o ddramâu y gellir eu defnyddio fel rhan o sesiwn neu o fewn gwasanaeth eglwysig.
Gellir archebu’r llyfr drwy eich siop lyfrau lleol neu drwy gysylltu âg Aled Davies 01766 819120.
Er mai Noson Dim Talent oedd thema’r clwb ond yn wir roedd na gryn dipyn o dalent! Cawsom noson hwyliog yn nghwmni Simon, Amanda a Piers. Dyma’r tri oedd yn beirniadu’r canu, dawnsio a’r rwdlan! Wedi’r perfformio cawsom sgwrs am bwysigrwydd perthynas yn arbennig ein perthynas efo Duw.
Vicki Brackpool (Scripture Union), Matthew Lewis (CCSW),Gwyn,
Andy Hughes (Saint y Gymuned) a John.
Mynychodd John a Gwyn gyfarfod ar 21 Ebrill i gysidro sefydlu Rhwydwaith Gwaith Plant ac Ieuenctid Cymru!
